منْ عندْ أمندورْ اتمشَّيتْ @@ مِسْتَكْبَلْ، ساحلْ نِبْكِتْ جيتْ

لَكْبَاشْ، ؤُجَيْتْ امْعَ حَاشِيتْ @@ الْخوَّاره، وامشيتْ امْعَاتْ

تِلبَّاطْ العِلبْ، ؤُكَرْطيتْ @@  الْكَصْعَه واحسيْ احميداتْ

انْكيَّلْ عندْ إلى كَدَّيتْ  @@  فَــــمْ انَّزْلَه مِنْ لبَّيداتْ

ؤمن فم اتعود اتَّاسِدْبِيتْ@@   اتروَّحْ لَامُـــوراتْ اتلاتْ

وافْرِيكْ إجَواجْ إيلَ عادْ   @@ اتْحَوَّلْ منْ عـــندْ آموراتْ

يُــكيَّلْ، وللَّ كَـــــــــالِعْ زَادْ  @@ وَاطِي حَدْ اعْلِيهْ ابْ لِمْبَاتْ