هذه قصيدة في رثاء صديقي وعزيزي المرحوم باذن الله احمد ول سيد احمد ول سيدي ميله الذي وافاه الاجل المحتوم يوم امس في انواكشوط . رحم الله صديقي وعزيزي والهم أهله الصبر والسلوان وانا لله وانا اليه راجعون  .

 

الحادث باجميعت جاهو@لراد الله اعليه افناه

 

يلقاه ء ذاك اللي ماهو@لاهي اموت اداويه ادواه@

 

@واحمد ما دواه اداويه@امش مودع للناشيه

 

الرب الناشيه امش بيه@اصبرناه ء لا عظمناه

 

ء لا خالك حد اكرب لجيه@من حد . ء هو يامس جاه

 

مودع لله اسكي بيه@مغلاه ء مغلاه ء مغلاه@

 

أاحمد لا ظرو باس العين@واكتنو كالوه العينين

 

ما فيه امن العيب البيين@ماهو عجلت عن ممشاه

 

ما طان من معناه اسنين@اشتم الين امش ؟ واعلاه؟

 

اثرو مشتاق ابعليين؟@والل يختير احك اغلاه؟

 

حك اغلاه ابفكدو لمتين@اعلين وافجافج مزاه

 

ازوايه واعرب واحساسين@شهدولو بالقدمه والجاه

 

ء لحك اغلاه البرانيين@جاهم فات اسبك فهل الاه

 

ء والله زاد الل حك الين@اغلاه اعل زاد اهل ,,الاه,,

 

ء حك انحاس اص لمغنين@ما ينتك واحد ما فلواه

 

ء لا يلمع حد امحمر عين@افمومن ما خشو فجواه

 

ذ ما يختلفو فيه اثنين@هو مخلاه الحكناه@

 

@الغلظ امع فعل اعلي@مجيوب اجبرناه امن اباه

 

جابو .. وامللي ذاك اللي@ما جاب امن اباه .. امن اماه

 

 

كتبه إسماعيل ولد محمد يحظيه ولد الحسن