بخْلاَكْت ارْسُـولْ النّبِيــــــــهْ == في"ابْريلْ" يَسَعْــدكْ يَبْريـــــلْ

ويَا سَعْدْ "حَليـــمَ" ،فَمْجِيــهْ == الْ بِيـــــــــهْ بشْخَـتْ لَبْزازِيـــلْ

ويَا سَعْدْ "خَدِيـــــجَ" تَفْديــهْ == بالرُّوحْ، منْ متْـــــــن التّبْجِيـــلْ

وياسَعْدْ "مَرْكــوبْ"اسْرَ بيــهْ == - في اللّيْــــــلْ- حُمّارْ التفْضِيـلْ

ترْعَــــــاهْ عِنـــايَــــةْ عَرْبيــهْ == ومْعــــــاهْ متّــــــافكْ "جبْريـــل"

وياسَعْدْ "لَحْمَـــامَ" لَـتْجِيـــهْ == تَحْمِيـــهْ فنْهَـــــارْ اتْشَلْشِيــلْ

وياسَعْدْهَ "رَتْـــلَ" تحْمِيـــــهْ == - في الْغَـارْ- منْ كَوْمْ التّضْليـــلْ

وياسَعْدْ " لكْــرَبْ" لـتْحَيِّيـــهْ == بِسْلامْ، وَصْلَ، وَتْمَسْهِـــيـــــلْ

وياسَعْدْ "صَدْرَايَ" تدْعِيــــهْ == وَتْـبَجّْلُ، وَعْليـــــــهْ اتْمِيــــــلْ

وياسعْدْ "لعْظَمْ" لِــنَـاجيــــهْ == (ارْعَـــــــاكْ منْ سُمّْ افْلُوكِيــلْ)

ويسَعْدْ لِشْكــــالُ "عيْنيــــهْ"== ومْنْ "ارّْمَدْ" شـافْ مْن امْكِيـلْ

وياسعْد "حَسّـــانْ" الْعَاطيـهْ == قَرِيـــحْتُ.. بيـــــهْ اسْتَطفيــلْ

وياسَعْدْ لمْسَلّــمْ بَيْدِيــــــهْ == اعْليـــــــــــهْ، وَلِّ فَتْكابِيــــــلْ

امْعَـــــاهْ، وَلِّ خاظْ اعْليــــــهْ == وياسَعْدْ حَــــدْ امْعــاهْ افْجِيــلْ

وَبْجَـــاهْ - يَمُــــولْ الصّفـاتْ- == شَفيــــعْنَ فَنْهَــــارْ اطْوِيــــــلْ

انْدُورْ في الدِّيـــــنْ الثّبَــاتْ == ونْدُورْ فِــــــي المَدْحْ التّسْهِيلْ