هذه مرثية لوالدتنا الصالحة العابدة القائمة القانتة مريم منت عبد الله ولد أبو الملقبة (إمنه) لوالدتها مني منت أحمدو المحمود ولد الشيخ محمدو ولد حنبل الحسني رحمة على والدينا وعليهم جميعا.
.
ست ست من عام ألفين @ ؤعشرين السبت ألا بين
فجرين إمن الليل يومين @ افبلغربان امشات افمان
إمن وامش بعد امنين @ امشات الحنان ؤلحسان
والكرم ال ما فيه أثنين @ يختلف والرفق ابلخوان
والخبر زاد افرض العين @ ؤتلاوت فالليل القرءان
ؤلمعاط لكبار الزينين @ تعرف ذاك ؤذاك الجيران
إمن فالبين البحرين @ ما كيفته فالشان انسان
ترحمه يالحي المتين @ واتجازيه زاد ابلحسان
كالحمد الل فين خلات @ لثر الزين الماكط اشيان
والعيل لعيان ؤلمنات @ يعم عنهم عين المعيان
مندرت شنكول المقول @ افحداد اشلاه فيه
كاع انكول الاتيت انكول @ وانسنت نتل نرثيه
من بيت العز الفيه اربات @ امن بيت الكرامات
من بيت الصلاح افلبات @ افجيه ولل من جيه
بيت العلم ال من لمات @ من ذيك اجيه وافجيه
من جيه من جيهات اخرات @ افجيه مزكنن بيه
خلكت فيه ؤفيه اتنشات @ اعليه ؤحلت عينيه
كبرت فيه ؤعاشت وامشات @ اعليه يرحم تكيه
وإجازيه بيه جنات @ الخلد ابذاك اجازيه
انسنت من بيت الصلاح @ ولل بيت اكرايت للواح
ولل بيت اكتوب الشراح @ بخـاريه وأماليه
ولله بيت اكتوب الصحاح @ بين احواشيه ماليه
ذاك البيت امال مفتاح @ دار السلامه من جيه
وافجيه عاطيه الفتاح @ ذاك العاطيه ؤعاطيه
والفاصل هو والمنكوب @ إمعزيهم ران فيه
والطالب وامعز لكتوب @ وابلحسن زاد امعزيه
عبد الله ولد احميد 06/06/2020
