كط اتعــاكدتْ امعـاك اتفاك = ياعبيد ؤلا نبغي لفــراكْ
مخــلاك اتوسَّع لخـــــــلاكْ = أبديهْ اتفاكـــــــكْ نبغــيهْ
.
والوقتْ اكريْبْ باش اظياكْ = الوقتْ اعليه أباش اعليهْ
امَّتَّنْ كلبي ما يخــــفاكْ = اعلـــيــــه امَّتَّنْ كـــــلبي بيهْ
اتفاككْ ذاك ؤذاك اياكْ = ياعبـــــيد انت مانك ناســـيهْ
اعبيد ول سالم
باسمن حال ننس واياك = اتفاك انت ناس يرعاك
عني كاره لفراك امعاك = أتف كاع ابلفراك إريه
أثرك ناس ذاك الوراك = وان صرتك مان ناسيه
غير امنين اظياك اخناك = الوقت اظياك الوقت اعليه
خليتُ فاخـــــــلاكِ يدَّاك = ش فم الخــــلاك اخبر فيه
عبد الله ولد احميد
هاذ زينْ ألاه معتاد = بيه الزينْ أزينُ متكادْ
فكدنِ بالبيه التفكاد = ابش فيه انت شرت اعليه
مان ناسيه أفيه اكداد = آن وانت ذَ واحد فيهْ
انت مانك ناسيه أعاد = اعلي مستصعب نسيه
زدان والفيه امنْ امراد = لفراك ألفراك اتف بيهْ
يغير انت خبر الميعاد = ناسيه اثرك مانك ساميه
امالك تختيرُ يبعاد = والل تبغي يكراب امجيه
آن بعد أذاك الِ كلتْ = مزلت اعليه أذاك الفيه
مندرتي يكانك مزلت = اعليه أذاك الفيه اعليه
اعبيد ولد سالم
ش يجمعن يلل عزيت = يشهد من كر ال لبتيت
وإكيدي والخط أبرويت = والعريه والمير أبديه
عن والله ماكط اربيت = فيه أجهد كامل عاطيه
فيه ألبتيت ال غنيت = مزروف أمبروم امنمريه
واعرفت انك كطيت اجميت = لبتيت اعنك بيدك فيه
والميعاد الحسك معنيت = اعليه ان مزلت اعليه
أسولانك ل هاذ رشك = مان عارف شنواس فيه
حد امعاي ماش يشك = فاخبر عز مرحبت بيه
عبد الله ولد احميد
عودانك يشهدلك فالخطْ = وإكيدي والعري والشط
والمير أبرويت امخرطْ = بيه اعلي هاذ بديه
وابلبتيت امخرط تخلط = ذ كامل فابلد يالنبيه
واتنمريه اياك اتخطط = لتكاعيس الميعاد الفيه
اتميعدن باش اتفرط = فاتفاك باش اعليه اتجيه
فتكاعيسُ لا تتورط = وافراككْ هاذ ماه فيه
إدورْ اتعود ازعيمْ انبطْ = بدَّاعَ تختير اتواسيه
واعليهْ اترومنِ ماكطْ = رومن حد اعليه اعليهْ
اندورْ انتم ابدون اكثار = واتفاككْ غيرُ ما نبغيه
ياعبيد أهاذ من لخــبار = ماه كاع ال يطمع فيه
اعبيد ولد سالم
كد اللي نعرف من ليكـــــين= جبتـولك عين الدك افعين
والكبل شهدتلي في الحين= واشهـــدلي لبتيــت ابديه
واذكرت انت شيات اخيرين =داير مقــصد في تسمــــيه
وجابر في مقــــصد مـرتين = و حد اجبر مقصد يبدع فيه
وحد امللي طاه المــــــوبين= شينـــــمريه اخير انمريه
ويتـــمكن بيديه الثنــــــتين = ويحلف عنو مات يرخيه
وعــــــبد الله نخــــتير اجد = اعليه ان عاجبن دخليه
ولا ينحــل احزامي عن حد = فت الين اتحزمت اعليه
