محمد ولد الميداح: فى مدح رسول الله عليه الصلاة والسلام

2017-11-14|05:00

هاذ من لغـــــنَ و التجهاد. اعل كلْـــمَ ترضي لعبـــــادْ

اياك أكولو هــحْ الْ عـــــادْ. ظركاتي مَوْحُــــولْ الا فيه
 

و ال يُكَطَّـــعْ بالتِّفْكَــــــــادْ الْ لطـــلالْ و للمُــولِعْ بيه

 

اشْبَــــهْ منو حد امن أغناه. الزين امنيــــنْ ال وسَّــــاهْ

الله امغنـــي ما يِتْفَــــــــــاهْ. أغناه، اشْبَــهْ لو فتْنَمْريـهْ

يَحْثَــــلْ بيه أفرسـِــولْ الله. محمَّـــــدْ صلى الله اعليه

ال فـــــاتْ الله اصطفـــــــاهْ. صلى الله اعليـــهْ و كافيه

الِّ فَـــــاتْ المــــوْلَ وسَّـــــاهْ. انْبِيـــــــهْ و سلَّك لُـــمَّ بيه

امن النار و كَــرْمُ و أعطــاهْ. ياســرْ ما راه ال خَاطيــهْ

و امنيـــنْ اتْـــــلَ مـــلانَ حد. الُـــوحُ فادنــــــاهْ احَـــدَّدْ

تَخْمَـــامُ و الســـانٰ مَــــا رَدْ. اعل حَـدْ، و يِتْمَنَّـــطْ، بيه

ادخلت اعـــلَ الل متن البَـِـدْ. امــــعَ رَسُــــولْ الله، إريــهْ

مكَــــلْ انـــو لاهي يَسْعَــِـــدْ. بعد و مَعْوَدْ ذ الواحلْ فيه

بَــــاطْ الا هُـو شَيْــنْ السَّعْدْ. ذاك الِّ ينكــال اراعيــــــهْ

و هَـــــاذَ لاهي زَادْ انمعنيهْ. محمـــدْ صلى الله اعليه

صلى الله اعليـــهْ و كافيـــــهْ. كـــــاعْ ال صلى الله اعليه



تابعونا على